Jawaabihii Abiy ka hor jeediyay Baarlamaanka itoobiya
Raisulwasaare Abiy oo lahadlayay baarlamaanka itoobiya ayaa manta
bixiyay jawaabahan hoos ku qoran.
Jawaabaha ayaa isugu jira war bixino iyo hanjabaado. Hadaba hoos ka akhriso 11
jawaabood oo uu bixiyay
1.
Abiy hadaladiisu waxay ku qotomeen siyaasada,
dhaqaalaha, arimaha bulshada iyo xidhiidhka caalamiga ah
2.
Raisulwasaare Abiy wuxuu ka digey isu dheeli
tiraan la’aanta dhaqaalaha guud in ay abuuri karto fadhiidnimo
3.
Abiy wuxuu ka digey shaqala’aanta koraysa in ay
khatar ku noqon doonto dhaqaalaha iyo xasilooni darada wadanka ee sanadaha soo
socda
4.
Raisulwasaare Abiy: xoog aan isticmaalo ma
xaqiijin doono nabad, deganaansho iyo kori taan dhaqaale. Ma aha in aan samayno
wixii aan naqaanay ee waa in aan samaynaa waxa ay tahay in aan qabano
5.
Abiy wuxuu difaacay dastuurka waxaa kaloo uu
bidhaamiyay in dastuurka isbadal lagu samayn doono
6.
Abiy ayaa ku tilmaamay arinta fadaraalisamku
tahay shayga isku haya itoobiya halka uu
ku tilmaamay ka maraynkanka waxa isu keenay
7.
Abiy ayaa ku tilmaamay dib udejinta
barakacayaasha guusha ugu weyn ee xukuumadiisu gaadhay 11kii bilood ee uu xilka
hayay
8.
Abiy wuxuu amaanay shaqada wasaarada nabada. Wuxuuna
sheegay in ay dib udejin u samaysay 1.2
malyan oo qof oo barakacay intuu xilka
hayay iyo in ka badan 1 malyan oo barakacay intuusa xilka qabanin ka hor
9.
Abiy wuxuu ku booriyay shacabka shucuubta
koonfureed in ay dulqaad muujiyaan inta aftida laga qaadayo. Sidoo kale wuxuu
raaciyay hanjabaad ah in talaabo aad u adag laga qaadi doono haday isku dayaan
in ay kali good go’aan ka qaataan arinta aftida
10.
Abiy wuxuu ku hanjabay in talaabadii kililka
soomaalida oo kale laga qaadi doono kililada kale ee sida sharci darada ah u
dhaqmaya
11.
Abiy wuxuu ku hanjabay marka midnimada wadanku
khatar gasho in ay dhigi doonaan qalinle qorigana qaadan doonaan
Dhamaad
Wikisom News
Comments
Post a Comment